Т.Энхсайханы блог

Аян замын тэмдэглэл

Нэгдүгээр хэсэг

Эхнэр бид хоёр саявтархан нэг Бээжин явах хэрэг болвоо. Зардал мөнгө тохь тухаа бодоод олон улсын шууд галт тэргээр явлаа. Яарч сандарч яваад юухэв гээд цаг тавиу вокзал очиж, купендээ орж явчихав. Хүн алгаа. Бид 2-уулхнаа байвал тухтай ч юмуу гэсэн шиг наана цаадахыг ярилцан суух үед 50 гаран насны гэр бүлийн хоёр орж ирлээ. Тэд авч явсан ганц том цүнхээ суудал доогуур хийж төвхөнөхтэй зэрэгцэн гал тэрэг ч хөдлөв. Ингээд купений “найз”-уудтайгаа танилцлаа. Ахыг Магсар, гэргийг нь Нарантуяа гэнэ. Онцгойрох содон зүйлгүй, эгэл жирийн Монголчууд.

Read the rest of this entry »

Амьдралын үнэ цэнэ

James Wan гэх нөхрийн найруулсан Хөрөө гэж нэг кино бий (Saw). Миний мэдэхээр 4 ангитай, 2008, 2009 онд үргэлжлэлүүд нь хийгдэх юм гэсэн. Маш их цус харуулсан хоррор, триллер ангилалын кино. Харин кино зохиолын утга санаа, өгүүлэмж нь “лайтай”. Товчхон санаа нь тархины хорт хавдар тусан амьдрахын төлөө тэмцэж байгаа хижээл эр (John Kramer) өөрийгөө хайрлаж мэддэггүй, амьдралын үнэ цэнийг ухаардаггүй амьд гэлдрэгчдэд амьдрах хором бүр нь ямар үнэтэй болохыг яс, мах, цусаар нь мэдрүүлнэ. Гэвч энэ цуст ажлыг Крамер бус түүнд олзлогдогсод өөрдсөө гүйцэтгэдэг. Түүний олзны цуглуулганд ажилгүй хар тамхичин, хүн уучилж мэддэгүй, түүнээсээ болж амьдрал нь новш болсон нөхөр, алуурчин, яргачин мэтийн нөхдүүд байна. Бас түүний охин. Амьдралд хөнгөн хуумгай ханддаг, амьдрах итгэл найдвараа алдсан охин нь түүний энэ бүх үйл явдлын зангилаа байдаг. Крамерийн философи нь “Амьдар”, эс бөгөөс үх. Хамгийн эмгэнэлтэй нь эдгээр олзлогдогсод гагцхүү түүний хавханд орж байж л тоос хөдөлгөх гэж ямар үнэ цэнэтэй болохыг ойлгоно.

Read the rest of this entry »

Модернист яруу найрагч Б.Галсансүх

Би утга зохиол, яруу найраг нэг их сонирхдоггүй л дээ.  Сая өнгөрдөг мартын 8-наар эхнэртээ энд тэнд нэр нь нэлээд дуулдах болсон модернист яруу найрагч Галсансүх гэж нөхрийн “Бурханд хэлэх зөвлөгөө” гэж ном авч өглөө, хэдэн хуудас эргүүлж уншлаа. Хүнд юмаа. Хэлэх гэсэн санаа, илэрхийлж байгаа хэлбэр нь. Ингэжугам:

Read the rest of this entry »

УЕФА аваргуудын лиг - 4/1 шигшээ

Дэлхийн хөлбөмбөгийн хамгийн нэр хүндтэй тэмцээнүүдийн нэг болох Европын аваргуудын лигийн шөвгийн 16-ийн 2 дахь тоглолтууд 3-р сарын 4,5-ны өдрүүдэд болох гэж байна.

Милан - Арсенал

Өнгөрсөн жилийн цомын эзэд энэ улирал тун орон гаран байгаа. Италийн Сериа А-д дээгүүр байрт тодорхойлбол аваргуудын лигийн эрхтэй үлдэх эхний 4 байрт багтаж чадах эсэх нь ч эргэлзээтэй хэвээр байна. Хэрэв 2008-2009 оны аваргуудын лигийн эрх авч чадахгүй тохиолдолд багийн лидер Кака-д сүүлийн 2-3 жилийн турш өөрийг нь авах сонирхлоо ил далд янз янзаар илэрхийлсээр ирсэн Реалд за гэж хэлэхэд асуудалгүй болно. Хөгшин оддын ганц гэгээ Кака явбал Миланд тоглолтын арга барил, тактикийн томоохон асуудал үүсэх нь ойлгомжтой. Иймээс тэдний хувьд аваргуудын лиг маш үнэ цэнэтэй. Товчхондоо тэд хожигдох эрхгүй.  Харин  Англичуудын (үнэн хэрэгтээ үндсэн бүрэлдэхүүнд нь нэг ч Англи хүн үгүй)  хувьд бүх юм эсрэгээрээ. Лигтээ итгэл төгс тэргүүлж байгаа, эрийн цээнд хүрч, тоглолтоос тоглолтод сайжирч буй залуус гээд л. Тэдэнд алдах юм байхгүй. Хожигдлоо гэхэд залууст хугацаа шаардлагатай гэсэн дүгнэлттэй үлдэх болно.

Read the rest of this entry »

Миний блогийн эхлэл

Зөвхөн миний гэх тодотголтой дотоод ертөнцийг та бүгдтэй нээлттэй хуваалцах суваг минь энэхүү блог болог. Ингээд хамгийн эхний сэдэв: Чингис Хаан Банк.

Амьдралынхаа 24 сарыг холбосон энэхүү банк надад үнэхээр сайхан дурсамж үлдээсэн. Энхтайваны гүүрний хажуудах энэ шилэн байшинд сэтгэл минь одоог хүртэл татагдсаар. Спортын банзал гэгдэх Хүрлээ багш, Стил имидж Өлзий эгч, Инээд байнга хүргэдэг Доүшка, нэг л их хүүхэд гаргасан баахан улс, тоонд живсэн Дөлөө эгч бас Титан толгойт байна. За тэгээд түнтгэр Төөгөө, шог зураг Жимсээ, гүзээтэй мастер Хасар, гүргэр чөргөр Санжига, балиар юм ярьдаг Жомбо гээд л. Энэ бүх хүмүүс ах дүүс шиг минь ойр хүмүүс болж амжсан даа тэр 2 жилийн хугацаанд. Аа нээрээ болдоггүй бор Баяр гэж сайхан гар байна. Зугаатай гэж жигтэйхэн дээ энэ хүмүүс. Ихэнхи заримыг нь дурдсангүй. Толгой холбох гэхээр дууддаг хочгүй болхоор болохгүй байна. Та нар COOL шүү. Зааландаа уулзалдаж байхыг бодноо. Дараа хүн нэг бүрээр сэтгэгдлээ бичнээ.

Энэ хамт олондоо би хайртай. Бүгдэнд нь амжилт хүсье.

Эса нь.