Сэтгүүлч мэргэжилтэй энэ залуу Airbnb-д бууж старт ап хөөсөнд хөвөрсөн хэдэн хөгжүүлэгч, програмист залуустай өрөөгөө хуваана. Airbnb өрөө яг зураг дээрх шигээ байгаагүйд дургүй нь хүрсэн ч тэнд ямар ч бодлого, даатгал энэ тэр байхгүйгээс яах ч учраа олохгүй, хамт байсан нөхдүүд ч мөн тоох шинжгүй.
Big Data таныг хаана байсан, таны найзууд хэн болох, юу сонирхдог, юу худалдаж авах хүсэлтэй, юу иддэг, хэдэг цагт унтдаг, бүр хэнд хайр сэтгэлтэйг мэдэж болно. Дээрх бүх мэдээллийг цаг агаарын урьдчихлсан мэдээтэй уялдуулан дэлгүүрүүд танд юу санал болгох, ээждээ ямар бэлэг авч өгч болохыг, зун Хөвсгөл явах эсэхийг чинь хүртэл зааж өгнө.
Арван үгтэй өгүүлбэрийнхээ учрыг олохгүй яваа бол, гашуун үг надаас сонссон бол та энэ номноос эхлээрэй. Монгол хэлээ ядаж эндээс сурах юм шүү.
Жирийн нэгэн Монгол компанийг үндэстэн дамнасан корпораци болгоно гэж мөрөөдөх биш нэгэнт ирсэн сайн тогтолцоо, сайхан соёлыг, оновчтой ажиллагааг, халуун дулаан хамт олныг алдалгүй, олон хүний амьдралыг сайнаар өөрчилсөн “агуу” компани болгохыг зорин найман жилийн өмнө уншсан номоо дахин нэг сөхөн харснаа ийнхүү сийрүүллээ.
Кэнжи анх энэ залуутай танилцахаас эхлээд нэг л биш санагдана. Сонин дээрээс урд өдөр гарсан аймшигт хэргийн тухай уншснаас ч тэр үү энэ Америк жуулчныг сохроор хардаж эхэлнэ.
Тооцоолсны дагуу Гурван биет гарагийнхан дэлхийд 400 жилийн дараа ирэх тухай мэдээ дэлхий дахинаа зарласан тэр мөчөөс эхлэн бүгд бужигнаж эхэллээ. Ирэх ирэхдээ биднийг эзлэх нь тодорхой. Учир нь дэлхийн шинжлэх ухааны суурь судалгаа, хөгжлийг хааж, оюунлаг бөөмсийн тусламжтайгаар дэлхий дахинд юу болж байгаа тухай мэдээллийг байнга авч байгаа учир бид яаж ч төлөвлөөд нэмэргүй.
Эцэг эх та хэрэв энэ номыг уншиж амжихгүй бол Netflix дээр байгаа гурван бүлэг киног үзээрэй. Та биднийг үр хүүхдүүд ч гэсэн сэтгэлийн шархтай, хэнтэй ярихаа мэдэхгүй, битүүхэн шаналж ч яваа юм билүү.
Маш сонирхолтой, адал явдлаар дүүрэн энэ зохиолыг өөрийгөө хайсан танд санал болгож байна.
Үнэн худал мэдээлэлд айж сандрахаасаа өмнө, хуваалцахаасаа өмнө дахин нэг бодоод үзээрэй. Таныг айлгах зорилго бас цаана нь нуугдаж байгаа шүү.
“Голландууд микроскопыг бүтээсэн юм. Юмс жижиг байх тусмаа утга их. Жижигхэн ялаа, хорхой, алиман дээрх толбыг хүртэл зурахдаа зураач хүн ямар нэг зүйл хэлэхийг хүсдэг. Тэдний түр зуурын амьдралыг яах гэж дүрслэн зурдагийг чи ойртон харвал мэдэх болно” гэж ээж нь Деог музейд дагуулан ороод хэлдэг юм.